Qazaqstan Respýblıkasy Energetıka mınıstrliginiń buıryǵy №332

  2016 jylǵy 19 shilde  Astana qalasy Tutyný qaldyqtaryn qaıtalama shıkizatqa jatqyzý ólshemsharttaryn bekitý týraly Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń 297-1-babynyń 2-tarmaǵyna sáıkes buıyramyn: 1. Qosa berilip otyrǵan Tutyný qaldyqtaryn qaıtalama shıkizatqa jatqyzý ólshemsharttary bekitilsin. 2. Qazaqstan Respýblıkasy Energetıka mınıstrliginiń Qaldyqtardy basqarý departamenti Qazaqstan Respýblıkasynyń zańnamasynda belgilengen tártippen: 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstriniń mindetin atqarýshy Á.MAǴAÝOV Qazaqstan Respýblıkasy Energetıka mınıstriniń m.a. 2016 jylǵy 19 shildedegi №332 buıryǵymen bekitilgen Tutyný qaldyqtaryn qaıtalama shıkizatqa jatqyzý ólshemsharttary 1-taraý. Jalpy erejeler 1. Osy Tutyný qaldyqtaryn qaıtalama shıkizatqa jatqyzý ólshemsharttary (budan ári – О́lshemsharttar) Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń (budan ári – Kodeks) 297-1-babynyń 2-tarmaǵyna sáıkes ázirlendi. 2. Kodekstiń 297-1-babynyń 1-tarmaǵyna sáıkes tutyný qaldyqtary, nátıjesinde qaldyqtar ónim óndirý prosesinde shıkizatty jáne (nemese) basqa da materıaldardy ishinara nemese tolyq almastyrý maqsatyna qyzmet etetin operasııalar jasalǵan soń qaıtalama shıkizat mártebesine ıe bolady. 3. Osy О́lshemsharttarda paıdalanylatyn termınder men anyqtamalar Kodekske sáıkes qoldanylady. 2-taraý. Tutyný qaldyqtaryn qaıtalama shıkizatqa jatqyzý ólshemsharttary 4. О́lshemsharttarǵa mynalar jatady: 1) qaıtalama shıkizat retinde odan ári paıdalanýǵa jaramdy qaldyqtar*. 2) odan ári qaıta óńdeý úshin shıkizat retinde paıdalanylatyn qaldyqtar; 3) salmaǵy boıynsha 2%-dan aspaıtyn materıaldardan (qospalardan) turatyn tutyný qaldyqtary. Materıaldar (qospalar): shań, topyraq, oqshaýlaý, hımııalyq nemese bıologııalyq ydyraıtyn zattar, beton jáne qubyrlar (beton, aǵash fragmentteri nemese topyraqpen toltyrylǵan), bolat balqytý úderisteri, termııalyq óńdeý úderisteri , óńdeý betiniń úderisteri (onyń ishinde tazartý, tegisteý, kesý, dánekerleý jáne otpen kesý) nátıjesinde týyndaıtyn shlak, okalına, shań ustaý júıelerinen bolǵan shań, tegisteý shańy, shlam sııaqty qaldyqtar; 4) tamshy túzilýimen súıemeldenbeıtin shamaly mólsherdi qospaǵanda, maı, maıly emýlsııa, jaǵar maı materıaldary men maılary joq tutyný qaldyqtary; 5) quramynda Kodekstiń 287-babynyń 1-tarmaǵyndaǵy kórsetilgen zattar joq tutyný qaldyqtary; 6) quramynda jabyn jáne boıaý túrindegi polıvınılhlorıd joq tutyný qaldyqtary. *Qaıtalama shıkizat retinde odan ári paıdalanýǵa jatatyn qaldyqtar, mysaly: makýlatýra (qaǵaz, karton), plastıkalyq qaldyqtar, shyny bótelkeler (shyny synyqtary), súrek jáne rezeńke (kaýchýk) Buıryq Qazaqstan Respýblıkasynyń Ádilet mınıstrliginde 2016 jylǵy 18 tamyzda Normatıvtik quqyqtyq kesimderdi memlekettik tirkeýdiń tizilimine №14120 bolyp engizildi.